أسهل طريقة لحفظ كلمات الانجليزي للأطفال من غير ملل

كتير من الأهالي بيسألوا: إيه هي أسهل طريقة لحفظ كلمات الانجليزي للأطفال؟
السؤال ده بيتكرر على طول، وخصوصًا إن معظم الأطفال بيزهقوا من الحفظ التقليدي، ومش بيفضل في دماغهم غير شوية كلمات وبعدين تتنسي.

الحقيقة إن الحفظ بالطريقة القديمة مش بينفع مع الأطفال. الطفل محتاج يلعب، يشوف صور، يسمع أغاني، ويحس إن الكلمة جزء من يومه علشان يحفظها صح.

في المقال ده هتكلم معاكِ عن أسهل طريقة لحفظ كلمات الانجليزي لطفلك، بخطة بسيطة تقدري تطبقيها في البيت، وكمان هنعرّفك على كتاب رائع هيختصر عليكوا الطريق.. بس ده سر في آخر المقالة.

ليه الأطفال مش بيحفظوا بالكلام بس؟

الطفل بيتعلم بالعين والأذن والإيد. يعني لو قلتله كلمة “apple” ميت مرة، مش هتثبت غير لما يشوف صورة “تفاحة”، أو يمسك واحدة في إيده، أو يغني أغنية عنها.
عشان كدا السر في التكرار المرح مش التكرار الممل.

خطة عملية: أسهل طريقة لحفظ كلمات الانجليزي للأطفال

ومن هنا نقدر نبني خطة سهلة وبسيطة علشان تساعد طفلك يحفظ الكلمات من غير ما يحس إنه بيذاكر…

اليوم الأول: كلمات جديدة
ابدأ بخمس كلمات بس، زي (cat – dog – ball – apple – car).
استخدم صور أو كروت ملونة، وخلي ابنك يردد وراك.
اليوم الثاني: الألعاب
اعمل لعبة مطابقة (Matching) أو لعبة الذاكرة (Memory).
الطفل هيكون فاكر الكلمة من غير ما يحس إنه بيذاكر.
اليوم الثالث: الأغاني
شغّل أغنية فيها الكلمات دي وغنوا سوا. الكلمة اللي بتتغنى بتثبت أسرع من 10 مرات مذاكرة.
اليوم الرابع: القصة القصيرة
اقروا قصة صغيرة فيها الكلمات:
The cat has a ball. The dog is in the car.
باقي الأسبوع: تكرار + تطبيق في الحياة اليومية
لو بتاكلوا تفاحة قول: This is an apple.
لو في الشارع وشفتوا قطة، قول: Look, a cat!