مش عارف تبدأ تتعلم الإنجليزي منين؟ | خطة بسيطة علشان تبدأ صح
بتخطط تذاكر وتتعلم إنجليزي، بس كل مرة بتقف!
لو نفسك تتعلم إنجليزي بس كل مرة بتقف عند أول خطوة لأنك مش عارف تبدأ منين، فده طبيعي جدًا. أغلب الناس اللي بتبدأ لوحدها بيبقى عندها نفس الإحساس — اللخبطة بين الكورسات، واللي يقولك احفظ كلمات، والتاني يقولك ابدأ بالنطق أو الجرامر بدون خطة حقيقية.
النتيجة؟ تضيع وقت ومجهود من غير ما تحس إنك بتتقدم.
بس الحقيقة إن البداية الصح مش محتاجة تعقيد، محتاجة خطة بسيطة وواضحة تمشي عليها واحدة واحدة.
ليه دايماً بتقف في بداية أو منتصف الطريق مهما عدّلت الخطة؟
- الاعتماد على مصادر كتير في نفس الوقت:
تفتح يوتيوب، تشوف فيديو هنا وكورس هناك، فتتلخبط ومتعرفش تمشي على طريق واحد. - البدء من نص الطريق:
ناس كتير تبدأ بحاجات متقدمة وهي لسه مش ثابتة في الأساسيات. - عدم تحديد الهدف
هل عايز تتكلم؟ تكتب؟ تسافر؟ كل هدف له طريقة تعلم مختلفة. - عدم وجود خطة ثابتة
مفيش جدول أو ترتيب واضح للمهارات (استماع – نطق – جرامر – كلمات). - الملل أو فقدان الحماس بسرعة
لأنك مش شايف نتيجة سريعة، فتحس إنك مش بتتعلم فعلًا.
5 خطوات أساسية حطهم في خطتك علشان تنجح المرة ديه...
ابدأ بتحديد مستواك
اعرف أنت فين عشان تعرف تبدأ منين، مش لازم تبدأ من الصفر لو عندك أساس بسيط. وتقدر تاخد الخطوة دي من خلال اختبار تحديد المستوى.
- أنت audio ولا video ؟ اختار مسار واحد وواضح
يعني بتحب تسمع وتحفظ ؟ ولا تكتب وتشوف الحاجة وتحفظ ؟ - امشي بخطة ثابتة فيها ترتيب منطقي:
(استماع) → (محادثة) → (جرامر) → (كلمات). - ابدأ بخطوات بسيطة وثابتة
بسيطة: زي إنك تستخدم ال (sticky notes) وتكتب اسم كل حاجة حواليك، وتلصقها عليها.
إزاي؟
كل ورقة تكتب عليها اسم حاجة من اللي حواليك (door-bed-window…etc) وبعدين تلصق كل ورقة على الحاجة اللي بتمثلها، وبالتالي هتلاقي كل كلمة مربوطة بشيء مادي قادر تشوفه حواليك طول الوقت.
ثابتة: اتعلم حاجة جديدة حتى لو 20 دقيقة في اليوم، الثبات أهم من الكمية. - ابعد عن المقارنات
متقارنش نفسك بحد بدأ قبلك، كل واحد ليه طريقه وسرعته. - تابع تقدمك كل أسبوع
شوف كل أسبوع اتعلمت إيه علشان تحافظ على الحماس وتشوف النتيجة بنفسك.الخطوة دي بونص علشان كملت لحد هنا ^^
إزاي تسهل على نفسك رحلة تعلم الإنجليزي؟
مستر مصطفى عاطف مجهزلك أكتر من خطة متكاملة تساعدك تبدأ صح من أول يوم، سواء كنت بتحب تحضر محاضرات وكورسات أو بتحب تعتمد على نفسك أكتر…
أولًا: لو محتاج تمشي بخطة كاملة وواضحة من الصفر
كورس التأسيس الشامل (A1-A2)
ده يعتبر الأساس اللي هتبني عليه كل حاجة بعد كده.
الكورس ده بيبدأ معاك خطوة بخطوة كأنك أول مرة تمسك الإنجليزي في حياتك.
مش مجرد شرح، لأ، هو خطة كاملة فيها نطق، كلمات، جرامر، واستماع.
هتطلع من الكورس ده وانت:
- فاهم الجرامر الأساسي من غير ما تحفظ.
- عارف تنطق صح ومخارج الحروف عندك مظبوطة.
- بتقدر تفهم الكلام البسيط لما تسمعه في الأفلام أو الأغاني.
- بتعرف تكون جمل بسيطة بنفسك وتتكلم بثقة.
يعني بعد الكورس ده هتبقى واقف على أرض ثابتة، ومش هتحتاج تلف حوالين نفسك تشوف تبدأ منين أو تمشي إزاي.
ثانيًا: لو حابب تختار كل كورس لوحده حسب احتياجك "التخصص"
1- كورس الصوتيات والنطق:
الكورس اللي هيحللك مشكلة نطق الحروف والكلمات
هتتعلم فيه إزاي تنطق الكلمة صح من أول مرة، وتعرف الفرق بين الأصوات اللي شبه بعض.
مثال:
- الفرق بين “ship” و “sheep”
- أو “pen” و “pan”
هتطلع من الكورس ده وانت لسانك متعود على النطق الصح، وودنك بتلقط الكلمات بسهولة، ومش هتحتاج تترجم في دماغك كل كلمة.
2- كورس الجرامر:
ده مش جرامر تقليدي ممل، لأ، هو معمول بأسلوب بسيط وسلس يخليك تفهم القاعدة بدل ما تحفظها.
كل درس فيه تطبيقات حقيقية وكلام بيتقال فعلًا في المواقف اليومية.
بعد الكورس ده هتقدر:
- تكوّن جمل صح من نفسك من غير ما توقف تفكر في القاعدة.
- تفهم الكلام اللي بيتقال حواليك لإن دماغك بقيت مترتبة على النظام الإنجليزي.
- تكتب صح وتتكلم بثقة من غير أخطاء صغيرة تبان عليك.
3- كورس المحادثة.. اتكلم زي الأجانب!
وقت التطبيق!
بعد ما اتكون عندك معظم الأساسيات، تبدأ تتكلم فعلًا.
- الكورس ده معمول عشان يجهزك تتعامل بالإنجليزي في المواقف اليومية — زي المطعم، الشغل، السفر، أو حتى الدردشة العادية.
- هتتعلم إزاي تجاوب بسرعة وتتكلم بطريقة طبيعية
زي مثلًا:
بدل ما تقول “I don’t know” بس، لكن تتعلم تقول “I’m not sure” أو “Let me think” زي المتحدثين الأصليين. - بعد الكورس ده هتقدر تتكلم براحتك من غير خوف أو توتر، وتستخدم اللغة مش بس تحفظها.
ثالثًا: لو بتحب تعتمد على نفسك أكتر
1- كتاب فوكابي:
لو إنت من النوع اللي بيحب يعتمد على نفسه أكتر، الكتب هتكون الحل المثالي ليك، وعلشان كدا وفرتلك كتاب فوكابي:
أهم 3000 كلمة حياتية متقسمة على 65 موضوع واقعي أكتر من 1000 جملة تطبيقية تربط الكلمة بالاستخدام تمارين عملية تثبّت الكلمة في دماغك مكتوب بالعامية – سهل، بسيط، من غير ترجمة دماغية
النتيجة؟
- الكلمات بتثبت في دماغك لأنها مرتبطة بجُمل حقيقية
- تقدر تتكلم وتكتب بثقة
- مش بتضيع وقتك في حفظ كلمات مش هتستخدمها
2 - كتاب تأسيس الجرامر:
تخيل بقى لو عندك كتاب يخليك تفهم القاعدة من أول مرة، وتعرف تستخدمها في الكلام الحقيقي من غير ما توقف تفكر كل شوية؟
ده بالظبط اللي بيقدمه كتاب تأسيس الجرامر بالعامية.
الكتاب معمول بأسلوب بسيط وسلس يخليك تحس إنك بتتعلم مع مدرس فاهمك كويس وبيشرحلك بلغتك.
ومقسوم جزئين:
الجزء الأول (الأساسيات):
بيبدأ معاك من الصفر — زي الأفعال المساعدة (am, is, are) والمقالات (a / an / the) وغيرها.
مناسب جدًا للمبتدئين أو حتى الأطفال اللي لسه بيدخلوا عالم الإنجليزي لأول مرة.
الجزء التاني (المستوى المتقدم):
فيه الأزمنة كلها + أهم القواعد اللي بتقابل أي متعلم في مرحلة الـ intermediate أو advanced.
بس الفرق هنا إن الشرح عملي ومبسط، مش أكاديمي جاف.
والجميل إن الكتاب مش بس قواعد، لأ:
- فيه أهم 1000 كلمة حياتية عشان تطبق القاعدة فورًا.
- بعد كل درس هتلاقي تدريبات تطبيقية + تدريبات شاملة في الآخر.
- كمان فيه حلول صوتية بصوت مستر مصطفى عاطف نفسه، عشان تفهم المعلومة مش تحفظها.
- ومع كل درس فيه شرح صوتي كامل يساعدك تراجع وتثبت المعلومة في دماغك.
يعني في النهاية هتطلع من الكتاب وأنت:
- فاهم القواعد من أول مرة.
- بتعرف تكون الجمل بسهولة ومن غير لخبطه.
- بتتكلم بثقة وتفكيرك بقى بالإنجليزي مش بالعربي.
مع الكتاب ده، هتحس لأول مرة إن الجرامر بقى سهل وممتع مش كابوس بتحاول تهرب منه
تركاية مستر مصطفى عاطف:
أثناء رحلتك في تعلم الإنجليزي:
- قسم وقتك بين استماع + ممارسة + مراجعة.
- متحفظش كلمات لوحدها، احفظها في جملة.
- اتكلم بصوت عالي حتى لو لوحدك، دماغك لازم تتعود على الصوت الإنجليزي.
- استخدم المحتوى اللي بتحبه (أغاني، فيديوهات، أفلام) في المذاكرة.
- خليك صبور، الإنجليزي مهارة مش معلومة — يعني هتحتاج وقت وممارسة، مش حفظ وخلاص.
الخطوة الجاية ايه؟
خد نفسك، وركز، رتب أفكارك… ويلا بينا نبدأ الرحلة سوا.
تحديد المستوى
تحديد المستوى هو أول خطوة بيعملها المُتعلم الناجح، لإنها بتخليه يشتغل بخطة تناسب قدراته وإمكانياته.
