لو ابنك أو بنتك بدأوا يتعلموا الإنجليزي، فأكيد هتقابلكِ حاجة اسمها أزمنة اللغة الإنجليزية، وممكن تحسي في البداية إنها كتير ومُعقدة، خصوصًا مع أسماء زي Present Simple وPast Simple وPresent Perfect، لكن الحقيقة إن فكرة أزمنة اللغة الإنجليزية أبسط من حفظ القواعد؛ لأن هي بس بتساعد طفلك يعرف إمتى الفعل حصل وإزاي حصل.
وفي الدليل ده هنعرفك كل أزمنة اللغة الإنجليزية، وهنوضحلك الفرق بين كل أزمنة اللغة الإنجليزية، وإمتى نستخدمه، مع أمثلة بسيطة بتناسب الأطفال وتساعدك تشرحي القاعدة لطفلك من غير حفظ أو تعقيد.
إيه هي أزمنة اللغة الإنجليزية؟
أزمنة اللغة الإنجليزية (English Tenses) هي اللي بتوضح إمتى الفعل حصل هل في الماضي ولا بيحصل دلوقتي ولا هيحصل في المستقبل؟ وكمان بتوضح طبيعة الفعل، هل هو بسيط ولا مستمر ولا تام، ولا تام مستمر.
وفي اللغة الإنجليزية عندنا 12 زمن أساسي، متقسمين لـ4 مجموعات رئيسية، وكل مجموعة فيها المضارع والماضي والمستقبل:
| المجموعة | المضارع | الماضي | المستقبل |
|---|---|---|---|
| البسيط | Present Simple | Past Simple | Future Simple |
| المستمر | Present Continuous | Past Continuous | Future Continuous |
| التام | Present Perfect | Past Perfect | Future Perfect |
| التام المستمر | Present Perfect Continuous | Past Perfect Continuous | Future Perfect Continuous |
اقرأي أيضا عن: حروف الجر الإنجليزية كاملة | استخداماتها ومعانيها بالصور وأمثلة
أولاً: أزمنة اللغة الإنجليزية البسيطة (Simple Tenses)
دلوقتي هنشرحلك كل أزمنة اللغة الإنجليزية البسيطة وهنعرفك الكلمات الدالة على كل زمن:
1. المضارع البسيط | Present Simple
خلينا نبدأ بأبسط أزمنة اللغة الإنجليزية وأكتر زمن طفلك هيقابله في البداية وهو Present Simple أو المضارع البسيط.
ببساطة، بنستخدمه:
- لما نتكلم عن عادة أو روتين زي:
I go to school every day.
أنا بروح المدرسة كل يوم. - لما نتكلم عن حقيقة ثابتة زي:
The sun rises in the morning.
الشمس بتشرق الصبح. - لما حاجة بتتكرر باستمرار زي:
She plays tennis on Fridays.
هي بتلعب تنس يوم الجمعة.
طب بنكوّن الجملة إزاي في المضارع البسيط؟
هنا في نقطة مهمة لازم تاخدي بالك منها وهي ان مع I / You / We / They بنستخدم الفعل زي ما هو، لكن مع He / She / It بنضيف s أو es للفعل في الجملة المثبتة.
| الفاعل | الإثبات | النفي | السؤال |
|---|---|---|---|
| I / You / We / They | فعل أصلي | do not + فعل | Do + فاعل + فعل؟ |
| He / She / It | فعل + s/es | does not + فعل | Does + فاعل + فعل؟ |
وتقدري تشوفي الفرق في الأمثلة دي:
- She drinks coffee every morning.
هي بتشرب قهوة كل صباح.
هنا استخدمنا drinks لأن الفاعل She.
- لكن في النفي بنقول: She does not drink tea.
هي مش بتشرب شاي.
وخدي بالك إننا رجعنا الفعل drink من غير s، لأن الـ does هو اللي أخد مكان الـs.
- وفي السؤال: Does she drink juice?
هي بتشرب عصير؟
ونفس الفكرة هنا ان بعد Does الفعل بيرجع لصورته الأصلية drink.
إيه الكلمات اللي بتساعد طفلك يعرف المضارع البسيط؟
لو لقيتي في الجملة كلمات زي:always – usually – often – sometimes – rarely – never – every day – every week – every month – on Mondays، فغالبًا الجملة بتتكلم عن عادة أو حاجة بتتكرر، وبالتالي بنفكر في Present Simple.
ونصيحة ليكي كأم: حاولي متبدأيش مع طفلك بحفظ القاعدة لوحدها وخليه يطبقها على يومه هو، زي:
- I wake up.
- I eat breakfast.
- I go to school.
لأنه لما يفهم إن الزمن ده بيحكي عن الحاجات اللي بيعملها كل يوم، القاعدة هتثبت معاه أسهل بكتير.
2. الماضي البسيط | Past Simple
بعد ما طفلك يفهم أزمنة اللغة الإنجليزية المضارع البسيط، هيبدأ يقابل Past Simple أو الماضي البسيط وده ببساطة، بنستخدمه:
- لما نتكلم عن حاجة حصلت وخلصت في الماضي زي:
I visited my grandma yesterday.
أنا زرت جدتي امبارح. - لما نحكي عن حدث حصل في وقت محدد زي:
He went to school last Monday.
هو راح المدرسة الاثنين اللي فات.
طب بنكوّن الجملة إزاي في الماضي البسيط؟
في الجملة المثبتة بنستخدم الفعل في الماضي (V2)، لكن في النفي والسؤال بنستخدم did، وساعتها الفعل بيرجع لصورته الأصلية.
| الفاعل | الإثبات | النفي | السؤال |
|---|---|---|---|
| الكل | فعل ماضي (V2) | did not + فعل أصلي | Did + فاعل + فعل أصلي؟ |
وتقدري تشوفي الفرق في الأمثلة دي:
- He went to school yesterday.
هو راح المدرسة امبارح.
هنا استخدمنا went لأنها صيغة الماضي من go.
- لكن في النفي بنقول: He did not go to the gym.
هو ما راحش الجيم.
خدي بالك إننا استخدمنا go مش went، لأن وجود did بيخلي الفعل يرجع لصيغته الأصلية.
- وفي السؤال: Did he go to work?
هو راح الشغل؟
ونفس القاعدة هنا ان بعد Did بنستخدم الفعل الأصلي go.
إيه الكلمات اللي بتساعد طفلك يعرف الماضي البسيط؟
لما تلاقي كلمات زي: yesterday – ago – last week – last month – last year – in 2020 – when I was young فده غالبًا معناه إننا بنتكلم عن حاجة حصلت وخلصت في الماضي.
نصيحة ليكي كأم: حاولي تربطي الماضي البسيط بحاجات حصلت فعلًا لطفلك، واسأليه مثلًا: What did you do yesterday? وخليه يحاول يجاوب بجملة بسيطة زي: I played football، لأنه كده هيفهم استخدام الزمن في الكلام بدل ما يحفظ القاعدة من غير ما يعرف يستخدمها.
3. المستقبل البسيط | Future Simple
Future Simple أو المستقبل البسيط بنستخدمه:
- لما نتكلم عن حاجة هتحصل في المستقبل زي:
I will call you tomorrow.
أنا هتصل بيك بكرة. - لما ناخد قرار في نفس اللحظة زي:
I’m thirsty. I will get some water.
أنا عطشان. هجيب شوية مية. - لما نوعد حد بحاجة زي:
I will help you.
أنا هساعدك.
طب بنكوّن الجملة إزاي في المستقبل البسيط؟
الموضوع هنا بسيط؛ لأننا بنستخدم will وبعدها الفعل في صورته الأصلية، ومفيش فرق بين I / You / He / She / We / They.
| الفاعل | الإثبات | النفي | السؤال |
|---|---|---|---|
| الكل | will + فعل أصلي | will not (won’t) + فعل أصلي | Will + فاعل + فعل أصلي؟ |
وتقدري تشوفي الفرق في الأمثلة دي:
- I will call you tomorrow.
أنا هتصل بيك بكرة. - في النفي بنقول: She won’t come to the party.
هي مش هتيجي الحفلة.
وخدي بالك إن won’t اختصار will not.
- أما في السؤال: Will they travel next week?
هم هيسافروا الأسبوع الجاي؟
بعد will الفعل بيفضل زي ما هو، يعني بنقول will travel مش will travels.
إيه الكلمات اللي بتساعد طفلك يعرف المستقبل البسيط؟
لو لقيتي كلمات زي: tomorrow – next week – next year – soon – in the future – later فغالبًا الجملة بتتكلم عن حاجة هتحصل في المستقبل.
نصيحة ليكي كأم: حاولي تخليه يتدرب على المستقبل البسيط من خلال خططه، واسأليه: What will you do tomorrow? وخليه يجاوب بجملة بسيطة زي: I will play football، لأنه كده هيفهم إن will بتستخدم عشان نتكلم عن حاجة لسه هتحصل، بدل ما يحفظ القاعدة وخلاص.
ثانياً: أزمنة اللغة الإنجليزية التامة (Perfect Tenses)
دلوقتي هنشرحلك أزمنة اللغة الإنجليزية التامة وكل الكلمات الدالة عليها:
4. المضارع التام | Present Perfect
Present Perfect أو المضارع التام بنستخدمه:
- لما نتكلم عن حاجة حصلت ولسه نتيجتها موجودة دلوقتي زي: I have finished my homework.
أنا خلصت واجبي. - لما نتكلم عن تجربة حصلت قبل كده من غير ما نحدد إمتى زي: Have you ever eaten sushi?
إنت أكلت سوشي قبل كده؟ - لما نتكلم عن حاجة بدأت في الماضي ولسه مستمرة لحد دلوقتي، زي: She has lived here for five years.
هي عايشة هنا بقالها خمس سنين.
طب بنكوّن الجملة إزاي في المضارع التام؟
هنا بنستخدم have أو has وبعدهم التصريف التالت للفعل V3.
| الفاعل | الإثبات | النفي | السؤال |
|---|---|---|---|
| I / You / We / They | have + V3 | have not + V3 | Have + فاعل + V3؟ |
| He / She / It | has + V3 | has not + V3 | Has + فاعل + V3؟ |
وتقدري تشوفي الفرق في الأمثلة دي:
- I have finished my homework.
أنا خلصت واجبي. - مع He / She / It بنستخدم has: She has not visited Paris before.
هي ما زارتش باريس قبل كده. - وفي السؤال: Have you ever eaten sushi?
إنت أكلت سوشي قبل كده؟
وخدي بالك إن الفعل بعد have / has بيكون في التصريف التالت، زي:
eat → eaten
finish → finished
visit → visited
إيه الكلمات اللي بتساعد طفلك يعرف المضارع التام؟
لو لقيتي كلمات زي: just – already – yet – ever – never – since – for – recently – so far فدي كلمات شائعة جدًا مع Present Perfect.
نصيحة ليكي كأم: متخليش طفلك يحفظ القاعدة والكلمات الدالة بس وحاولي تخليه يستخدم الزمن في مواقف بسيطة من حياته، زي:
- I have finished my homework.
- I have never eaten sushi.
لأنه كده هيبدأ يفهم إمتى يستخدم have / has + V3 بدل ما يحفظها كقاعدة وخلاص.
5. الماضي التام | Past Perfect
Past Perfect بنستخدمه:
- لما نتكلم عن حدث حصل قبل حدث تاني في الماضي زي: When I arrived, she had already left.
لما وصلت، هي كانت خرجت بالفعل. - لما نتكلم عن حاجة ما حصلتش قبل حدث تاني في الماضي زي: He had not eaten before the meeting.
هو ما كانش أكل قبل الاجتماع.
طب بنكوّن الجملة إزاي في الماضي التام؟
بنستخدم had مع كل الضمائر، وبعدها التصريف التالت للفعل V3، سواء في جمل الإثبات أو النفي أو السؤال.
| الفاعل | الإثبات | النفي | السؤال |
|---|---|---|---|
| الكل | had + V3 | had not + V3 | Had + فاعل + V3؟ |
وتقدري تشوفي الفرق في الأمثلة دي:
- When I arrived, she had already left.
لما وصلت، هي كانت خرجت بالفعل. - وفي النفي: He had not eaten before the meeting.
هو ما كانش أكل قبل الاجتماع. - وفي السؤال: Had they finished the project?
هم كانوا خلصوا المشروع؟
وخدي بالك إن had بتفضل زي ما هي مع كل الضمائر، لكن الفعل بعدها بيكون في التصريف التالت، زي:
leave → left
eat → eaten
finish → finished
إيه الكلمات اللي بتساعد طفلك يعرف الماضي التام؟
لو لقيتي كلمات زي: before – after – by the time – already – when – as soon as فدي كلمات شائعة مع Past Perfect، خصوصًا لما يكون عندنا حدثين حصلوا في الماضي.
ونصيحة ليكي كأم: لو طفلك بيتلخبط في الماضي التام، اشرحيه له كده ببساطة: “عندنا حاجتين حصلوا زمان، واحدة حصلت الأول، وواحدة حصلت بعدها.”
زي مثلاً: She had left before I arrived. هي خرجت الأول، وبعدها أنا وصلت، لأنه كده هيبدأ يفهم فكرة الزمن من ترتيب الأحداث، بدل ما يحفظ had + V3 من غير ما يعرف بيستخدمها إمتى.
6. المستقبل التام | Future Perfect
أزمنة اللغة الإنجليزية المستقبل التام بنستخدمه:
- لما نتكلم عن حاجة هتخلص قبل وقت محدد في المستقبل زي: By 2026, she will have graduated.
بحلول 2026، هي هتكون اتخرجت. - لما نتكلم عن حاجة مش هتكون خلصت قبل وقت معين في المستقبل زي: He will not have finished the report by Friday.
هو مش هيكون خلص التقرير بحلول الجمعة. - لما نسأل إذا كانت حاجة هتكون خلصت قبل وقت معين زي: Will you have read the book by then?
هتكون قريت الكتاب لحد الوقت ده؟
طب بنكوّن الجملة إزاي في المستقبل التام؟
بنستخدم will have وبعدها التصريف التالت للفعل V3، ومفيش فرق بين الضمائر.
| الفاعل | الإثبات | النفي | السؤال |
|---|---|---|---|
| الكل | will have + V3 | will not have + V3 | Will + فاعل + have + V3؟ |
وتقدري تشوفي الفرق في الأمثلة دي:
- By 2026, she will have graduated.
بحلول 2026، هي هتكون اتخرجت. - في النفي: He will not have finished the report by Friday.
هو مش هيكون خلص التقرير بحلول الجمعة. - وفي السؤال: Will you have read the book by then?
هتكون قريت الكتاب لحد الوقت ده؟
وخدي بالك إن بعد will have بنستخدم التصريف التالت، زي:
graduate → graduated
finish → finished
read → read
إيه الكلمات اللي بتساعد طفلك يعرف المستقبل التام؟
لو لقيتي كلمات زي: by 2026 – by Friday – before – by the time – by then فدي كلمات شائعة مع Future Perfect، خصوصًا لما يكون الكلام عن حاجة هتكون خلصت قبل وقت محدد في المستقبل.
ونصيحة ليكي كأم: لو طفلك بيتلخبط في المستقبل التام، اشرحيه له ببساطة: “حاجة لسه هتحصل، بس هتكون خلصت قبل وقت معين في المستقبل.”
زي مثلاً: I will have finished my homework by 8 PM ومعناها أنا هكون خلصت واجبي بحلول الساعة 8، وبكده هيبدأ يفهم فكرة الزمن من ترتيب الحدث والوقت، بدل ما يحفظ will have + V3 من غير ما يعرف بيستخدمها إمتى.
ثالثاً: أزمنة اللغة الإنجليزية المستمرة (Continuous Tenses)
دلوقتي هنوضحلك كل أزمنة اللغة الإنجليزية المستمرة واستخداماتها:
7. المضارع المستمر | Present Continuous
المضارع المستمر بنستخدمه:
- لما نتكلم عن حاجة بتحصل دلوقتي زي:
She is studying now.
هي بتذاكر دلوقتي. - لما نتكلم عن حاجة مش بتحصل دلوقتي زي:
I am not watching TV.
أنا مش بتفرج على التلفزيون. - لما نسأل عن حاجة بتحصل دلوقتي أو ترتيب قريب زي:
Are they coming to the party?
هم جايين الحفلة؟
طب بنكوّن الجملة إزاي في المضارع المستمر؟
بنستخدم am / is / are وبعدهم الفعل مضاف له ing، والاختيار بينهم بيختلف حسب الفاعل.
| الفاعل | الإثبات | النفي | السؤال |
|---|---|---|---|
| I | am + فعل + ing | am not + فعل + ing | Am I + فعل + ing؟ |
| He / She / It | is + فعل + ing | is not + فعل + ing | Is + فاعل + فعل + ing؟ |
| You / We / They | are + فعل + ing | are not + فعل + ing | Are + فاعل + فعل + ing؟ |
إيه الكلمات اللي بتساعد طفلك يعرف المضارع المستمر؟
لو لقيتي كلمات زي: now – at the moment – currently – today – at this time – look! – listen! فغالبًا الكلام عن حاجة بتحصل دلوقتي أو في الفترة الحالية.
ونصيحة ليكي كأم: خلي طفلك يربط المضارع المستمر بحاجات بيشوفها قدامه، زي:
- Mom is cooking. — ماما بتطبخ.
- I am playing. — أنا بلعب.
لأنه بكده هيبدأ يفهم استخدام الزمن من الموقف نفسه، بدل ما يحفظ am / is / are + ing من غير ما يعرف يستخدمها إمتى.
8. الماضي المستمر | Past Continuous
الماضي المستمر بنستخدمه:
- لما نتكلم عن حاجة كانت بتحصل في وقت معين في الماضي زي: I was sleeping when he called.
أنا كنت نايم لما هو اتصل. - لما نتكلم عن حاجة كانت مستمرة وقاطعها حدث تاني زي: She was studying when her mother came.
هي كانت بتذاكر لما مامتها وصلت. - لما نسأل عن حاجة كانت بتحصل في وقت معين في الماضي زي: Were you watching a movie last night?
كنت بتتفرج على فيلم امبارح بالليل؟
طب بنكوّن الجملة إزاي في الماضي المستمر؟
بنستخدم was / were وبعدهم الفعل مضاف له ing، والاختيار بينهم بيختلف حسب الفاعل.
| الفاعل | الإثبات | النفي | السؤال |
|---|---|---|---|
| I / He / She / It | was + فعل + ing | was not + فعل + ing | Was + فاعل + فعل + ing؟ |
| You / We / They | were + فعل + ing | were not + فعل + ing | Were + فاعل + فعل + ing؟ |
إيه الكلمات اللي بتساعد طفلك يعرف الماضي المستمر؟
لو لقيتي كلمات زي: while – when – at that moment – at 5 o’clock – all day – all night فدي كلمات شائعة مع Past Continuous.
ونصيحة ليكي كأم: اشرحي لطفلك الماضي المستمر من خلال موقف بسيط، زي: I was sleeping when Dad called ومعناها أنا كنت نايم لما بابا اتصل.
لأن هنا الطفل هيقدر يفهم إن النوم كان مستمر، وبعد كده حصل حدث تاني وهو المكالمة، بدل ما يحفظ was / were + ing من غير ما يفهم استخدامها.
9. المستقبل المستمر | Future Continuous
المستقبل المستمر بنستخدمه:
- لما نتكلم عن حاجة هتكون مستمرة في وقت محدد في المستقبل زي: At 9 AM tomorrow, I will be working.
الساعة 9 الصبح بكرة أنا هبقى بشتغل. - لما نتكلم عن حاجة مش هتكون بتحصل في وقت معين في المستقبل زي: She will not be studying at midnight.
هي مش هتبقى بتذاكر الساعة 12 بالليل. - لما نسأل عن حاجة هتكون مستمرة في وقت معين في المستقبل زي: Will he be traveling this time next week?
هيبقى مسافر في الوقت ده الأسبوع الجاي؟
طب بنكوّن الجملة إزاي في المستقبل المستمر؟
بنستخدم will be وبعدهم الفعل مضاف له ing، ومفيش فرق بين الضمائر.
| الفاعل | الإثبات | النفي | السؤال |
|---|---|---|---|
| الكل | will be + فعل + ing | will not be + فعل + ing | Will + فاعل + be + فعل + ing؟ |
إيه الكلمات اللي بتساعد طفلك يعرف المستقبل المستمر؟
لو لقيتي كلمات زي: at this time tomorrow – by next year – while فممكن تكون الجملة بتتكلم عن فعل هيكون مستمر في وقت معين في المستقبل.
ونصيحة ليكي كأم: اشرحي لطفلك المستقبل المستمر من خلال وقت محدد، زي: At 8 PM tomorrow, I will be watching TV ومعناها بكرة الساعة 8 أنا هكون بتفرج على التلفزيون، لأنه بكده هيفهم إن الفعل مش بس هيحصل في المستقبل، لكن هيكون مستمر في وقت معين.
رابعاً: أزمنة اللغة الإنجليزية التامة المستمرة (Perfect Continuous Tenses)
10. المضارع التام المستمر | Present Perfect Continuous
المضارع التام المستمر بنستخدمه:
- لما نتكلم عن حاجة بدأت في الماضي ولسه مستمرة زي: I have been learning English for 2 years.
أنا بتعلم إنجليزي من سنتين. - لما نتكلم عن حاجة استمرت لفترة وظهرت نتيجتها أو تأثيرها دلوقتي زي: She has been studying all day.
هي بتذاكر طول اليوم. - لما نسأل عن مدة استمرار حاجة زي: How long have you been waiting?
إنت بتستنى من إمتى؟
طب بنكوّن الجملة إزاي في المضارع التام المستمر؟
بنستخدم have / has been وبعدهم الفعل مضاف له ing، والاختيار بين have وhas بيختلف حسب الفاعل.
| الفاعل | الإثبات | النفي | السؤال |
|---|---|---|---|
| I / You / We / They | have been + فعل + ing | have not been + فعل + ing | Have + فاعل + been + فعل + ing؟ |
| He / She / It | has been + فعل + ing | has not been + فعل + ing | Has + فاعل + been + فعل + ing؟ |
إيه الكلمات اللي بتساعد طفلك يعرف المضارع التام المستمر؟
لو لقيتي كلمات زي: for – since – how long – all day – lately – recently فدي كلمات شائعة مع Present Perfect Continuous، خصوصًا لما يكون التركيز على مدة استمرار الفعل.
ونصيحة ليكي كأم: لو طفلك بيتلخبط بين المضارع التام والمضارع التام المستمر، حاولي تركزي معاه على الفرق البسيط ده: Present Perfect بيركز أكتر على النتيجة، أما Present Perfect Continuous بيركز على الفعل ومدته، زي مثلاً:
- I have read the book. — أنا قريت الكتاب.
- I have been reading the book for two hours. — أنا بقالي ساعتين بقرأ الكتاب.
لأنه بكده هيبدأ يلاحظ إن have/has been + ing بتستخدم لما نكون مركزين على استمرار الفعل أو مدته.
11. الماضي التام المستمر | Past Perfect Continuous
الماضي التام المستمر بنستخدمه:
- لما نتكلم عن حاجة كانت مستمرة في الماضي وخلصت قبل حدث تاني زي: She had been studying for 3 hours before she took a break.
هي كانت بتذاكر 3 ساعات قبل ما تاخد راحة. - لما نوضح إن فعل استمر لفترة قبل ما يحصل حدث تاني في الماضي زي: He had been working before he got sick.
هو كان بيشتغل قبل ما يتعب. - لما نسأل عن مدة استمرار فعل قبل حدث تاني في الماضي زي: Had they been waiting long?
كانوا مستنيين بقالهم فترة طويلة؟
طب بنكوّن الجملة إزاي في الماضي التام المستمر؟
بنستخدم had been وبعدهم الفعل مضاف له ing، ومفيش فرق بين الضمائر.
| الفاعل | الإثبات | النفي | السؤال |
|---|---|---|---|
| الكل | had been + فعل + ing | had not been + فعل + ing | Had + فاعل + been + فعل + ing؟ |
إيه الكلمات اللي بتساعد طفلك يعرف الماضي التام المستمر؟
لو لقيتي كلمات زي: for – since – before – when – after – how long فممكن تكون الجملة بتتكلم عن فعل كان مستمر لفترة قبل حدث تاني في الماضي.
ونصيحة ليكي كأم: لو طفلك بيتلخبط بين Past Perfect وPast Perfect Continuous، ركزي معاه على الفرق البسيط ده: Past Perfect بيركز على إن الفعل خلص، أما Past Perfect Continuous بيركز على مدة استمرار الفعل قبل حدث تاني.
زي مثلاً:
- She had finished her homework before dinner. — هي كانت خلصت واجبها قبل العشا.
- She had been doing her homework for two hours before dinner. — هي كانت بتعمل واجبها بقالها ساعتين قبل العشا.
لأنه بكده هيبدأ يلاحظ إن had been + ing بنستخدمها لما نكون مركزين على استمرار الفعل ومدته في الماضي.
اقرأي أيضا عن: تأسيس انجليزي من الصفر للأطفال | خطوة بخطوة في المنزل
12. المستقبل التام المستمر | Future Perfect Continuous
المستقبل التام المستمر بنستخدمه:
- لما نتكلم عن حاجة هتكون مستمرة لفترة لحد وقت معين في المستقبل زي: By next year, I will have been working here for 10 years.
السنة الجاية هبقى اشتغلت هنا 10 سنين. - لما نحدد مدة استمرار الفعل لحد وقت معين في المستقبل زي: She will have been studying for 5 hours by 8 PM.
هي هتبقى ذاكرت 5 ساعات بحلول الساعة 8 بالليل.
طب بنكوّن الجملة إزاي في المستقبل التام المستمر؟
بنستخدم will have been وبعدهم الفعل مضاف له ing، ومفيش فرق بين الضمائر.
| الفاعل | الإثبات | النفي | السؤال |
|---|---|---|---|
| الكل | will have been + فعل + ing | will not have been + فعل + ing | Will + فاعل + have been + فعل + ing؟ |
إيه الكلمات اللي بتساعد طفلك يعرف المستقبل التام المستمر؟
لو لقيتي كلمات زي: by + وقت محدد – for – by the time، فغالبًا الجملة بتتكلم عن فعل هيكون مستمر لمدة معينة لحد وقت في المستقبل.
ونصيحة ليكي كأم: لو طفلك بيتلخبط بين Future Perfect وFuture Perfect Continuous، ركزي معاه على الفرق البسيط ده: Future Perfect بيركز على إن الفعل هيكون خلص، أما Future Perfect Continuous بيركز على مدة استمرار الفعل لحد وقت معين في المستقبل.
زي مثلاً:
- I will have finished my work by 8 PM. — هكون خلصت شغلي بحلول الساعة 8.
- I will have been working for three hours by 8 PM. — هكون بشتغل بقالي 3 ساعات بحلول الساعة 8.
كده طفلك هيبدأ يلاحظ إن will have been + ing بنستخدمها لما يكون تركيزنا على مدة استمرار الفعل في المستقبل.
ملخص سريع لكل أزمنة اللغة الإنجليزية
| الزمن | القاعدة الأساسية | مثال |
|---|---|---|
| Present Simple | V / V+s | She works |
| Past Simple | V2 | She worked |
| Future Simple | will + V | She will work |
| Present Continuous | am/is/are + V+ing | She is working |
| Past Continuous | was/were + V+ing | She was working |
| Future Continuous | will be + V+ing | She will be working |
| Present Perfect | have/has + V3 | She has worked |
| Past Perfect | had + V3 | She had worked |
| Future Perfect | will have + V3 | She will have worked |
| Present Perfect Continuous | have/has been + V+ing | She has been working |
| Past Perfect Continuous | had been + V+ing | She had been working |
| Future Perfect Continuous | will have been + V+ing | She will have been working |
لو طفلك لسه بيتلخبط بين أزمنة اللغة الإنجليزية، فمتقلقيش؛ الجدول ده هيساعده في المراجعة السريعة، أما شرح استخدام كل أزمنة اللغة الإنجليزية والفرق بينهم فهتلاقيه بالتفصيل فوق.
قواعد أزمنة اللغة الإنجليزية: أهم القواعد اللي لازم طفلك يعرفها
بعد ما عرفنا أزمنة اللغة الإنجليزية واستخدام كل زمن، في شوية قواعد أساسية هتساعدك تفهمي تركيب الجملة وتشرحيها لطفلك بسهولة، خصوصًا الفرق بين الأفعال المساعدة والتصريفات وإضافة ing وs/es.
قاعدة 1: الفعل المساعد + الفعل الأصلي
في أزمنة اللغة الإنجليزية البسيطة، الجملة المثبتة بتستخدم الفعل الأصلي أو تصريفه حسب الزمن، لكن في النفي والسؤال بنحتاج فعل مساعد زي do / does / did زي مثلاً:
- She plays tennis. — هي بتلعب تنس.
- She doesn’t play tennis. — هي مش بتلعب تنس.
- Does she play tennis? — هي بتلعب تنس؟
قاعدة 2: V1 / V2 / V3 — التصريفات التلاتة
لما تلاقي V1 وV2 وV3، متقلقيش؛ هما ببساطة أشكال مختلفة للفعل:
- V1: الفعل الأصلي زي play, go, eat
- V2: الماضي البسيط زي played, went, ate
- V3: التصريف التالت، وبيستخدم مع أزمنة التام زي played, gone, eaten
الأفعال النظامية غالبًا بنضيف لها ed في V2 وV3، لكن الأفعال الشاذة ليها تصريفات مختلفة لازم الطفل يتعلمها بالتدريج زي مثلا: go → went → gone
قاعدة 3: إزاي نضيف ing للفعل؟
لما نستخدم الأزمنة المستمرة، بنضيف ing للفعل، وفي بعض الحالات شكل الفعل بيتغير:
- لو الفعل بينتهي بـ e صامتة، غالبًا بنشيل الـ e ونضيف ing:
write → writing - لو الفعل بينتهي بحرف ساكن وقبله حرف متحرك، ممكن نضاعف الحرف الأخير:
run → running - في باقي الحالات، بنضيف ing بشكل عادي:
play → playing
قاعدة 4: إمتى نضيف S أو ES في المضارع البسيط؟
مع He / She / It، بنضيف s أو es للفعل في الجملة المثبتة:
- أغلب الأفعال بنضيف لها s زي: work → works وplay → plays
- بنضيف es لو الفعل بينتهي بـ ch, sh, ss, x, o زي: watch → watches و go → goes وdo → does
لكن خلي بالك في السؤال والنفي بنرجع الفعل لشكله الأصلي زي:
She plays.
She doesn’t play.
Does she play?
قاعدة 5: أفعال الحالة غالبًا مش بنستخدمها في المستمر
في أفعال بتعبّر عن حالة أو شعور أو معرفة، زي like, love, hate, know, believe, understand, want, need، وغالبًا مش بنستخدمها مع ing زي.
❌ I am knowing the answer.
✅ I know the answer.
يعني لو طفلك شاف فعل زي know أو want، مش كل مرة يحط بعده ing لمجرد إن الجملة في زمن مستمر.
تمارين على جميع أزمنة اللغة الإنجليزية
تمرين 1 — اختاري الزمن الصح
اكتبي الفعل بين الأقواس في الزمن المناسب:
- She ______ (study) every day. → studies (مضارع بسيط)
- They ______ (watch) TV right now. → are watching (مضارع مستمر)
- I ______ (finish) my work before he arrived. → had finished (ماضي تام)
- He ______ (work) here for 5 years. → has been working (مضارع تام مستمر)
- By 2030, they ______ (build) the new city. → will have built (مستقبل تام)
تمرين 2 — صح أم غلط؟
- I have seen this movie yesterday. ❌
الصحيح: I saw this movie yesterday. (ماضي بسيط) - She was sleeping when I called. ✅
- He has been waiting since 3 hours. ❌
الصحيح: He has been waiting for 3 hours. - They will have finished the project by next Friday. ✅
- I am loving pizza. ❌
الصحيح: I love pizza. لأن love من أفعال الحالة (Stative Verbs).
تمرين 3 — حوّلي الجملة لنفي وسؤال
She has visited London before.
- ❌ النفي: She has not visited London before.
- ❓ السؤال: Has she visited London before?
كورسات ومنتجات بتساعد طفلك يتقن أزمنة اللغة الإنجليزية
فهم أزمنة اللغة الإنجليزية من الشرح لوحده بيديك الأساس، لكن التطبيق هو اللي بيثبت المعلومة فعلًا، فلو إنتِ عايزة مصدر منظم يساعدك أو يساعد طفلك يفهم الجرامر ويستخدم أزمنة اللغة الإنجليزية صح، فدي أهم الكورسات والكتب من مستر مصطفى عاطف:
كورس جرامر من الصفر | تأسيس القواعد أونلاين
لو طفلك لسه بيبدأ في الجرامر، فالكورس ده مناسب كبداية؛ لأنه بيشرح القواعد خطوة بخطوة من غير ما يفترض إن عندك أساس قوي.
الكورس مناسب خصوصًا للطفل اللي:
- بيعرف كلمات وجمل بسيطة لكن مش بيستخدمها بشكل صحيح.
- بيتلخبط بين أزمنة اللغة الإنجليزية ومش عارف إمتى يستخدم كل زمن.
- بيحفظ القاعدة لكن مش بيعرف يطبقها في جملة.
- محتاج يقوي أساس الجرامر قبل ما ينتقل لقواعد أصعب.
- عايز يتعلم القواعد بطريقة عملية بدل الحفظ والتلقين.
والأفضل إنك تختاري الكورس حسب مستوى طفلك؛ لأن الطفل اللي لسه بيبدأ في الجرامر محتاج تأسيس من الصفر، لكن لو عنده أساس كويس فالأفضل يبدأ في مستوى أعلى ويشتغل على التطبيق والممارسة.
كورس الجرامر المتقدم | Advanced Grammar
لو الأساس عند طفلك كويس، لكن لسه بيتلخبط في الأزمنة المتقدمة أو مش عارف يطبق القاعدة في الكلام والكتابة، فالكورس المتقدم هيكون خطوة مناسبة بعد التأسيس.
الكورس بيجمع بين جلسات Zoom مباشرة، ومحتوى مسجل، وتدريب على WhatsApp، وبيشمل الأزمنة المتقدمة، المبني للمجهول، الجمل الشرطية، والـReported Speech، مع تطبيق عملي وتصحيح مستمر.
Grammar Box | مجموعة تأسيس جرامر اللغة الإنجليزية
لو طفلك بيحب المذاكرة من الكتب وعايزة مصدر يرجعله وقت ما يحتاج، فـ Grammar Box خيار عملي لتأسيس الجرامر ومراجعة القواعد بشكل منظم. والموقع الرسمي لمستر مصطفى عاطف بيقدمه ضمن منتجات تأسيس الجرامر.
باقة تأسيس الإنجليزي | Grammar + Basics + Vocab
لو عايزة تأسيس أشمل بدل ما طفلك يركز على الجرامر لوحده، فالباقة بتجمع كتاب تأسيس الجرامر + كتاب Vocaby + كتاب English Basics A1-A2، بحيث يشتغل على القواعد والمفردات والمهارات الأساسية مع بعض.
استكشفي أيضا: أفضل كورسات انجليزي للأطفال من مستر مصطفى عاطف.
الخلاصة
طفلك مش مطلوب منه يحفظ أزمنة اللغة الإنجليزية واحدة واحدة ويخاف من الجرامر، المهم يفهم كل زمن بيستخدم إمتى، ويعرف يطبقه في جملة من حياته اليومية، وممكن تبدئي معاه بالأساس، وتركزي على الأمثلة والممارسة بدل الحفظ؛ لأن لما طفلك يفهم القاعدة ويستخدمها صح، ساعتها الإنجليزي يبدأ يبقى سهل وطبيعي بالنسباله.
كم عدد أزمنة اللغة الإنجليزية؟
اللغة الإنجليزية فيها 12 زمناً رئيسياً، ناتجين عن الجمع بين 3 أزمنة أساسية: الماضي والحاضر والمستقبل، و4 حالات: البسيط، المستمر، التام، والتام المستمر. وكل زمن له استخدام وقاعدة مختلفة في الإثبات والنفي والسؤال.
إيه الفرق بين المضارع البسيط والمضارع المستمر؟
المضارع البسيط (Present Simple) بنستخدمه للعادات والروتين والحقائق، زي: She drinks coffee every day. أما المضارع المستمر (Present Continuous) فبنستخدمه للحاجة اللي بتحصل دلوقتي، زي: She is drinking coffee now.
إيه الفرق بين الماضي البسيط والمضارع التام؟
الماضي البسيط (Past Simple) بنستخدمه لما الحدث يكون خلص في وقت محدد في الماضي، زي: I saw him yesterday. أما المضارع التام (Present Perfect) فبنستخدمه لما الوقت مش محدد أو لما الحدث ليه علاقة بالحاضر، زي: I have seen that movie.
إزاي أعرف أستخدم had أو have/has؟
ببساطة، have/has بنستخدمهم مع المضارع التام، أما had فبنستخدمها مع الماضي التام لما يكون فيه حدث حصل قبل حدث تاني في الماضي.
إيه هي الكلمات الدالة على الأزمنة؟
الكلمات الدالة بتساعد طفلك يعرف الزمن المناسب في الجملة، زي yesterday مع الماضي البسيط، وnow مع المضارع المستمر، وsince / for مع الأزمنة التامة، وalready / just / yet مع المضارع التام.
