حل مشكلة نسيان الكلمات الإنجليزية
بتحفظ كلمات إنجليزي كتير… بس أول ما تيجي تتكلم، كل حاجة بتتبخر؟
تحفظ كلمات جديدة يوم كامل، وتكتبها 10 مرات، وتقول خلاص كده تمام…
وبعدين لما تيجي تتكلم مع حد أو تشوف فيلم، ولا كلمة منهم بتطلع!
ما تقلقش، دي من أكتر المشاكل اللي بنسمعها من الطلاب، وملهاش علاقة بالذكاء ولا الذاكرة.
السر كله في الطريقة اللي بتحفظ بيها.
في المقال ده هتفهم ليه بتنسى، وإزاي تثبت الكلمات في دماغك من غير ما تحفظ بالعافية.
ليه بتنسى كلمات الإنجليزي بسرعة؟
بصراحة، أغلب اللي بيبدأوا يتعلموا إنجليزي بيقعوا في نفس الفخ:
بيتعاملوا مع الكلمات كأنها لستة لازم تتحفظ.
تفتح كراسة، تكتب الكلمة بالعربي، وتحاول تكررها.
بس بعد يومين… راحت! 🫠
ليه؟
لأنك بتحفظ شكل الكلمة، مش الموقف اللي بتتقال فيه.
الدماغ مش بيحب الحفظ الميكانيكي، بيحب الارتباط والمعنى.
زي ما عمرك ما هتنسى كلمة “كشري” 😋 لأنك ربطها بإحساس وطعم وموقف، مش بحروف مكتوبة!
3 حاجات أساسية لازم تعملها، علشان الكلمة تفضل في دماغك
- اربط الكلمة بمعنى حقيقي أو صورة.
مثال: كلمة “hungry” – تخيل نفسك جعان فعلاً وانت بتقولها، مش مجرد تقرأ معناها “جعان”. - استخدمها في جملة من حياتك.
“I’m hungry after work.”
لما تربطها بموقف يخصك، بتثبت أكتر 10 مرات. - راجعها بطريقة ذكية.
استخدم flashcards أو apps زي Quizlet، أو حتى ورق عادي، بس راجعها كل كام يوم، مش كله مرة واحدة.
الحل السحري
بس بدل ما تضيع وقتك تجرب كل الطرق دي لوحدك، فـ انا موفرلك الأدوات اللي تساعدك توصل لهدفك. وكمان جهزتهالك خطوة بخطوة علشان نعدي سوا كل التحديات اللي هتواجهك 
1- كورس الصوتيات والنطق:
الكورس ده معمول ليك، وهو عبارة عن: 
8 محاضرات مسجلة + متابعة أسبوعية على Zoom تصحيح فعلي لمشاكل النطق “ممارسة حقيقية“ تطوير مهارة الاستماع + أكسنت طبيعي تقييم نهائي + شهادة إتمام
في الكورس ده هتتعلم تنطق زي الأجانب خطوة بخطوة،
ولما ودنك تتعود على الصوت الصح، نسيان الكلمات هيقل جدًا لأنك هتبقى “سامعها صح” ومخك بيربط الصوت بالمعنى.
ابدأ دلوقتي وخلّي نطقك نقطة قوتك مش ضعفك!
2- كتاب فوكابي:
حابب تعتمد على نفسك أكتر؟
لو إنت من النوع اللي بيحب يعتمد على نفسه أكتر، الكتب هتكون الحل المثالي ليك، وعلشان كدا وفرتلك كتاب فوكابي:
أهم 3000 كلمة حياتية متقسمة على 65 موضوع واقعي أكتر من 1000 جملة تطبيقية تربط الكلمة بالاستخدام تمارين عملية تثبّت الكلمة في دماغك مكتوب بالعامية – سهل، بسيط، من غير ترجمة دماغية
النتيجة؟
- الكلمات بتثبت في دماغك لأنها مرتبطة بجُمل حقيقية
- تقدر تتكلم وتكتب بثقة
- مش بتضيع وقتك في حفظ كلمات مش هتستخدمها
تركاية مستر مصطفى عاطف:
لو عايز تثبت الكلمات بشكل أسرع، جرب دول:
- لما تشوف فيلم أو مسلسل، اكتب 3 كلمات جديدة كل مرة.
- احكي لنفسك بالإنجليزي عن يومك، حتى لو بجمل بسيطة.
- اربط الكلمة بإحساس أو صورة (كل كلمة لازم “تحسها”).
مستني ايه؟
المشكلة مش فيك… المشكلة في الطريقة 
لو بدأت تتعامل مع الكلمات كـ “تجربة”، مش “حفظ”، الإنجليزي هيبقى أسهل مما تتخيل. ابدأ دلوقتي وانسى مشكلة النسيان!
تحديد المستوى
تحديد المستوى هو أول خطوة بيعملها المُتعلم الناجح، لإنها بتخليه يشتغل بخطة تناسب قدراته وإمكانياته.
