ناس كتير بيكونوا محتارين ومش عارفين مستواهم في الإنجليزي فين بالظبط، هل مبتدئين خالص ولا عندهم أساس بسيط في الجرامر والكلمات؟
عشان كده في المقال ده هنساعدك تعرف مستواك الحقيقي وتعرف تبدأ من الحتة الصح وتوصل لهدفك بشكل أسرع.
ليه تحديد المستوى مهم جداً؟
ناس كتير بتبدأ تتعلم إنجليزي من غير ما تعرف مستواها، والنتيجة بتبقى واحدة من اتنين:
- إما بيبدأوا من مكان أصعب من مستواهم فبيحسوا إنهم مش فاهمين حاجة ويوقفوا.
- أو بيبدأوا من مكان أسهل من مستواهم فبيحسوا بالملل ويوقفوا بردو.
عشان كده تحديد المستوى هو الخطوة اللي بتحميك من الاتنين، لأنها بتخليك تشتغل على اللي محتاجه فعلاً، ومش تضيع وقتك في حاجات إنت عارفها أو حاجات أكبر منك دلوقتي.
مستويات الإنجليزي وإنت فين منها؟
مستويات اللغة الإنجليزية بتنقسم لثلاث مستويات رئيسية وهم المبتدئ والمتوسط والمتقدم، وعلى مقياس CEFR الدولي بيتوافقوا مع A وB وC، ودي شرح لكل مستوى بشكل بسيط وعملي:
المستوى A1 – المبتدئ الحقيقي
في المستوى ده بتقدر تفهم وتستخدم التعبيرات اليومية الأساسية، وتقدم نفسك وتسأل عن تفاصيل بسيطة زي المكان اللي ساكن فيه والأشياء اللي بتمتلكها.
بمعنى أبسط بتعرف كلمات زي Hello وThank you وMy name is، بس لو حد كلمك جملة كاملة هتوه منه.
المستوى A2 – المبتدئ المتقدم
هنا بتبدأ تتكلم في مواضيع يومية بسيطة، وتفهم جمل قصيرة واضحة، وبتقدر تتعامل في مواقف بسيطة زي التسوق أو السؤال عن الطريق.
المستوى B1 – المتوسط
في المستوى ده بتفهم النقاط الرئيسية في المواضيع المألوفة في الشغل والمدرسة، وبتقدر تتعامل مع معظم المواقف اللي ممكن تقابلها أثناء السفر.
المستوى B2 – المتوسط المتقدم
هنا بتقدر تفهم الأفكار الرئيسية في النصوص المعقدة، وبتتفاعل بطلاقة وعفوية مع الناطقين الأصليين من غير إجهاد لأي من الطرفين.
المستوى C1 و C2 – المتقدم
ده مستوى الاحتراف الحقيقي وفي المستوى ده إنت هتتكلم وتكتب وتفهم بنفس مستوى الناطق الأصلي تقريباً.
5 علامات بتحدد مستواك من غير ما تعمل اختبار
دلوقتي هنقولك أهم خمس علامات تساعدك تحدد مستواك بشكل سريع:
1. إزاي بتتعامل مع الأفلام والمسلسلات؟
- لو بتحتاج ترجمة عربي في كل جملة يبقى مستواك A1-A2.
- ولو بتفهم الكلام العام بس بتوه في التفاصيل يبقى مستواك B1.
- لكن لو بتفهم معظم الكلام وبس بتوه في الكلمات الصعبة ممكن يكون مستواك B2.
- ولو بتفهم كل حاجة من غير ترجمة أكيد هيبقى مستواك C1-C2.
2. إزاي بتكتب جملة بالإنجليزي؟
- لو بتترجم من العربي كلمة كلمة ممكن يكون مستواك A1-A2.
- لو بتكتب الجملة بس مش متأكد من الجرامر يبقى مستواك B1.
- لكن لو بتكتب بسهولة وبتراجع بس في التفاصيل يبقى مستواك B2 أو أعلى.
3. لما حد يكلمك بالإنجليزي إيه اللي بيحصل؟
- لو بتقف وبتحمر ممكن يكون مستواك A1-A2.
- لكن لو بترد بجمل قصيرة وبتتوه في الكلمات يبقى مستواك B1.
- ولو بتتكلم بشكل طبيعي بس أحياناً بتوقف ممكن يكون مستواك B2.
4. إزاي بتقرأ النصوص الإنجليزية؟
- لو بتقرأ ببطء شديد وبتترجم كل كلمة هيبقى مستواك A1-A2.
- لكن لو بتقرأ وبتفهم الفكرة العامة هيبقى مستواك B1.
- ولو بتقرأ بطلاقة وبتفهم التفاصيل هيبقى مستواك B2 فأكتر.
5. الجرامر ومدى معرفتك بالأزمنة
- لو مش عارف الفرق بين زمن وزمن هيبقى مستواك A1-A2.
- لو بتعرف القواعد الأساسية بس بتغلط في التطبيق ممكن يبقى مستواك B1.
- لو بتطبق الجرامر بشكل تلقائي في معظم الأوقات هيبقى مستواك B2 أو أعلى من كده.
بعد ما تعرف مستواك في الإنجليزي… إيه الخطوة الصح؟
معرفة مستواك في الإنجليزي مش الهدف هو فقط البداية، واللي المفروض تعمله بعدها هو إنك تختار الطريق الصح لمستواك تحديداً، وده اللي بيشتغل عليه مصطفى عاطف مع متعلميه. المستر بيركز على إنك تبدأ من مستواك الحقيقي، وتفهم قبل ما تحفظ، وتتكلم قبل ما تكمل، كمان مش بيسيبك تكمل الطريق لوحدك.
إيه الكورس المناسب على حسب مستواك؟
- لو مستواك A1-A2 وعايز تبني أساس قوي: ممكن تبدأ بـ كورس التأسيس الشامل، لأنه هيبني معاك الجرامر والنطق والمفردات من الصفر الحقيقي خطوة خطوة.
- لو الجرامر بيعطلك وعايز تفهمه بطريقة بسيطة: فأكيد كورس الجرامر من الصفر هو اللي محتاجه، لأنه بيشرح القواعد في سياق حقيقي مش حفظ نظري.
- لو عندك أساس وعايز تبدأ تتكلم بثقة: فكورس المحادثة هيكسر حاجز الكلام ويخليك تتكلم بشكل طبيعي من أول جلسة.
- لو حاسس إن حصيلتك من الكلمات قليلة: فأكيد كتاب فوكابي هيبقى أفضل خيار قدامك، لأن فيه أهم 3000 كلمة حياتية هتحتاجها فعلاً في حياتك اليومية.
أسئلة شائعة عن تحديد المستوى
أيوه ده طبيعي جداً، لأن فيه ناس كتير بيبقى عندهم جرامر B1 بس محادثة A2، ولذلك تحديد المستوى الصح بيبقى أدق لما بيعمله متخصص مش بس اختبار أوتوماتيك.
الاختبارات الاونلاين بتدي فكرة تقريبية، بس مش دقيقة 100% لأنها بتختبر الجرامر والقراءة بس ومش بتختبر الكلام والنطق.
لا خالص، لأن المستوى الضعيف مش مشكلة، المشكلة إنك تبدأ من مستوى مش مناسب، ولو عارف إن مستواك ضعيف وبدأت من A1 صح، ده هيبقى أحسن بكتير من حد مستواه متوسط وبيحاول يبدأ من B2.
بيعتمد على وقتك وانتظامك، وبشكل عام الانتقال من مستوى لمستوى بياخد من 3 لـ 6 شهور لو بتذاكر 20-30 دقيقة كل يوم.
ممكن، بس مش بينفع مع كل الناس، فمثلاً لو مستواك A1-A2 والتأسيس عندك ضعيف، المحادثة هتبقى صعبة ومحبطة، عشان كده الأفضل إنك تعمل تأسيس بسيط الأول وبعدين تدخل على المحادثة.
لما بتحدد مستواك بنفسك، ممكن تكون متحيز لنفسك أو تبالغ في التقييم، لكن لما بتحدد مع متخصص، بييجيلك تقييم دقيق في كل المهارات وخطة واضحة للخطوات الجاية.
